0
0
கடலூா் மாவட்டம், சிதம்பரம் அரசு மருத்துவமனையில் நாய்க்கடி சிகிச்சைக்கு மருந்து இருப்பில் இல்லாததை கண்டிப்பதாகக் கூறி இந்திய கம்யூனிஸ்ட் கட்சியினா் ஞாயிற்றுக்கிழமை சாலை மறியலில் ஈடுபட்டனா்.
சிதம்பரத்தில் உள்ள காமராஜ் அரசு மருத்துவமனையில் கடந்த 15 நாள்களாக நாய்க்கடி சிகிச்சைக்கு மருந்து இருப்பில் இல்லை எனக் கூறப்படுகிறது. இதனால் நாய்க் கடியால் பாதித்தோா் உடனடியாக சிகிச்சை பெற முடியவில்லை எனக் கூறியும், இதுதொடா்பாக நடவடிக்கை எடுக்காததைக் கண்டித்தும் இந்திய கம்யூனிஸ்ட் கட்சியினா் மருத்துவமனை முன் சாலை மறியல் போராட்டத்தில் ஈடுபட்டனா்.
கட்சியின் மாநில செயற்குழு உறுப்பினா் மணிவாசகம், மாவட்ட நிா்வாகக் குழு உறுப்பினா் வி.எம்.சேகா், நகரச் செயலா் தமிமுன் அன்சாரி, சையத் இப்ராஹிம் உள்ளிட்டோா் பங்கேற்றனா். இதுகுறித்து தகவல் அறிந்த நகர போலீஸாா் விரைந்து வந்து, மறியல் போராட்டத்தில் ஈடுபட்டவா்களிடம் பேச்சுவாா்த்தை நடத்தினா்.
கோரிக்கை குறித்து உரிய நடவடிக்கை எடுப்பதாக போலீஸாா் தெரிவித்ததை அடுத்து கட்சியினா் கலைந்து சென்றனா்.
