0
0
நெய்வேலி: கடலூா் மாவட்டம், வடலூா் வள்ளலாா் பெருவெளியில் சா்வதேச மையம் அமைப்பதற்கு எதிா்ப்புத் தெரிவித்து, வடலூா் பேருந்து நிலையம் அருகே இந்து முன்னணி சாா்பில் திங்கள்கிழமை ஆா்ப்பாட்டம் நடைபெற்றது. வடலூரில் ராமலிங்க அடிகளாா் அமைத்த தெய்வ நிலையம் உள்ளது.
திமுக தனது தோ்தல் அறிக்கையில் வள்ளலாா் சா்வதேச மையம் அமைக்கப்படும் என தெரிவித்திருந்தது. அதன்படி, வள்ளலாா் தெய்வ நிலைய ஞானசபை அருகே ரூ.100 கோடி மதிப்பீட்டில் வள்ளலாா் சா்வதேச மையம் அமைக்க தமிழக அரசு அண்மையில் அடிக்கல் நாட்டி பூமி பூஜை நடத்தியது. இதற்கு பல அரசியல் மன்றும் சன்மாா்க்க சங்கத்தினா் எதிா்ப்புத் தெரிவித்து வருகின்றனா். கடலூா் மாவட்ட இந்து முன்னணி சாா்பில் வடலூா் பேருந்து நிலையம் அருகே ஆா்ப்பாட்டம் நடைபெற்றது.
ஞான சபைக்கு சொந்தமான பெருவெளியை சீா்குலைத்து சா்வதேச மையம் அமைப்பதைக் கண்டிப்பதாகக் கூறியும், வள்ளலாா் சா்வதேச மையத்தை தமிழக அரசு வேறிடத்தில் கட்ட வேண்டும் எனக் கோரியும் ஆா்ப்பாட்டத்தில் முழக்கங்கள் எழுப்பப்பட்டன. கடலூா் மாவட்டத் தலைவா் எஸ்.சக்திவேல் தலைமை வகித்தாா். மாவட்டச் செயலா்கள் வெங்கடேசன், சரவணன், மணிகண்டன், துணைத் தலைவா் காா்த்திக், நிா்வாகிகள் பிச்சாபிள்ளை, பெருமாள், செல்வம் முன்னிலை வகித்தனா். கோட்டச் செயலா் த.முருகையன், மாநிலச் செயலா் அ.வா.சனில்குமாா் கண்டன உரை நிகழ்த்தினா். நிகழ்ச்சியில் இந்து முன்னணி நகர, ஒன்றிய கிளை பொறுப்பாளா்கள் கலந்து கொண்டனா்.
