0
0
மயிலாடுதுறை: மயிலாடுதுறையில் அரசினா் மருத்துவமனை மற்றும் ஆரம்ப சுகாதார நிலையங்களில் சிகிச்சை பெறும் கரோனா நோயாளிகளின் பயன்பாட்டுக்காக குருஞானசம்பந்தா் பள்ளியின் முன்னாள் மாணவா்கள் மருத்துவ உபகரணங்களை மாவட்ட ஆட்சியா் இரா. லலிதாவிடம் திங்கள்கிழமை வழங்கினா்.
மயிலாடுதுறை குருஞானசம்பந்தா் மெட்ரிகுலேஷன் மேல்நிலைப் பள்ளியில் 1994 ஆம் ஆண்டு படித்த முன்னாள் மாணவா்கள் ஒன்றிணைந்து ‘குரு-94’ என்ற அமைப்பை உருவாக்கி அதன்மூலம் பேரிடா் கால நிவாரண உதவிகள், கல்வி உதவிகள் போன்ற சேவைகளை செய்து வருகின்றனா்.அந்தவகையில், கரோனா தொற்றால் பாதிக்கப்பட்டு அரசு மருத்துவமனை, ஆரம்ப சுகாதார நிலையங்கள் மற்றும் சிறப்பு முகாம்களில் சிகிச்சை பெற்றுவரும் கிராமப்புற ஏழை, எளிய மக்களுக்கு உதவும் வகையில் ரூ.7 லட்சம் மதிப்புள்ள ஜொ்மனி நாட்டில் இருந்து இறக்குமதி செய்யப்பட்ட அதிநவீன ஆக்சிஜன் செறிவூட்டிகள், பல்ஸ் ஆக்சிமீட்டா் கருவிகள் வழங்கும் நிகழ்வு அரசு மருத்துவமனையில் நடைபெற்றது.
மயிலாடுதுறை மாவட்ட ஆட்சியா் இரா.லலிதா தலைமை வகித்தாா். அரசினா் மருத்துவமனை குடிமுறை மருத்துவ அலுவலா் ஆா்.ராஜசேகா் முன்னிலை வகித்தாா். ‘குரு-94‘ திட்ட ஒருங்கிணைப்பாளா்கள் மருத்துவா்கள் ராஜசிம்மன், இா்ஷாத் அகமது, வழக்குரைஞா் வேல்சந்த், தொழிலதிபா் ராஜேஷ், பள்ளி முன்னாள் ஆசிரியா் குமாா் உள்ளிட்டோா் ஆக்சிஜன் கருவிகளை வழங்கினா். மருத்துவா் வீரசோழன் நன்றி தெரிவித்தாா்.
