0
0
தொண்டாமுத்தூர் இந்திய விடுதலைப்போராட்ட வீரர்கள் நினைவு நற்பணி மன்றம் சார்பில் இந்திய விடுதலைப் போராட்ட வீரர் தீரன் சின்னமலை அவர்களின் 216 வது ஆண்டு நினைவு நாள் மலரஞ்சலி, உறுதிமொழி ஏற்பு நிகழ்ச்சி தொண்டாமுத்தூர் ஸ்ரீ நிவேதா பெண்கள் தையலக வளாகத்தில் நடைபெற்றது.
இந்நிகழ்ச்சிக்கு மன்றத்தலைவர் டாக்டர் எம்.சிவக்குமார் தலைமையேற்று விடுதலைப் போராட்ட வீரர் தீரன் சின்னமலை அவர்களின் திருவுருவப்படத்திற்கு மலர்தூவி, மாலையணிவித்து மரியாதை செலுத்தினார். சி.வருண் உறுதிமொழி வாசிக்க அணைவரும் உறுதிமொழி ஏற்றனர்.மனிதநேய விருதாளர் எஸ்.ஷைனி சிவக்குமார் பள்ளி மாணவர்களுக்கு கொரோனா பாதுகாப்பு முக கவசம், நோட்டு புத்தகம்,பேனா பென்சில் வழங்கினார்.
விழாவில் சி.நிவேதா ஜீ.ரஞ்சித் ஜீ ஸ்ரீதர் கே.ரங்கநாதன் டி.ஏ.சந்திரமோகன் என்.ஆகாஷ் உட்பட பலர் கலந்து கொண்டு உறுதிமொழி ஏற்றனர். நிகழ்ச்சியின் நிறைவாக ஜீ.ரஞ்சித் நன்றி கூறினார்.
நிருபர்: சிவக்குமார்.
