0
0
உத்தரப்பிரதேச மாநிலத்தில் கருப்புக் கொடி ஆர்ப்பாட்டம் நடத்திய விவசாயிகள் மீது கார்களை ஏற்றியும்,துப்பாக்கி சூடு நடத்தியும் படுகொலை செய்யப்பட்ட விவசாயிகளின் குடும்பங்களை சந்திக்க சென்ற காங்கிரஸ் கட்சியின் தேசிய பொதுச் செயலாளர் பிரியங்கா காந்தி உத்திரப்பிரதேச அரசால் கைது செய்யப்பட்டார். இதனை கண்டித்து உத்திரப்பிரதேச அரசையும் ஆளும் மத்திய அரசையும் கண்டித்தும் மயிலாடுதுறையில் முத்து வக்கீல்சாலையில் மகிளா காங்கிரஸ் மாநில துணைத் தலைவர் மரகதவல்லி செந்தில் தலைமையில் காங்கிரஸ் கட்சியினர் ஆர்ப்பாட்டத்தில் ஈடுபட்டனர். இதில் ஓபிசி அணி செயலாளர் கனகசபை, காங்கிரஸ் முன்னாள் மூத்த தலைவர் K. செல்வம், மாநில,மாவட்ட நிர்வாகிகள் ஜானகிஅம்மாள் R.நாராயணன், சசிகுமார் உள்ளிட்ட காங்கிரஸ் கட்சி நிர்வாகிகள் தொண்டர்கள் கலந்து கொண்டு கண்டன கோஷங்களை எழுப்பி காங்கிரஸ் கொடி ஏந்தி கண்டன ஆர்ப்பாட்டத்தில் ஈடுபட்டனர்.
