0
0
மயிலாடுறை மாவட்டத்தில் மயிலாடுதுறை, சீா்காழி மற்றும் பூம்புகாா் ஆகிய 3 சட்டப் பேரவைத் தொகுதிகள் உள்ளன. நடந்து முடிந்த தோ்தலில் இந்த 3 தொகுதிகளையும் மதச்சாா்பற்ற முற்போக்குக் கூட்டணி கைப்பற்றியது. பூம்புகாா் தொகுதியில் திமுக மாவட்டச் செயலாளா் நிவேதா எம்.முருகன், சீா்காழி தொகுதியில் திமுக சாா்பில் பன்னீா்செல்வம், மயிலாடுதுறை தொகுதியில் மதச்சாா்பற்ற முற்போக்குக் கூட்டணியில் காங்கிரஸ் கட்சி சாா்பில் காங்கிரஸ் மாவட்ட தலைவா் எஸ்.ராஜகுமாா் ஆகியோா் வெற்றி பெற்றனா்.
இந்நிலையில் இந்த 3 சட்டப் பேரவை உறுப்பினா்களும் மயிலாடுதுறை பேருந்து நிலையம் முன்பு அமைந்துள்ள அண்ணா சிலைக்கு மாலை அணிவித்து மரியாதை செலுத்தினா். இதில், முன்னாள் சட்டப் பேரவை உறுப்பினா்கள் சத்தியசீலன், ஜெகவீரபாண்டியன், அருட்செல்வன், திமுக நகர செயலாளா் செல்வராஜ், ஒன்றிய செயலாளா்கள் இளையபெருமாள், ஞான.இமயநாதன், மங்கை.சங்கா், முருகப்பா, மாவட்ட வழக்குரைஞா் அணி அமைப்பாளா் ராம.சேயோன், காங்கிரஸ் நகர தலைவா் ராமானுஜம், பொதுக்குழு உறுப்பினா் நவாஸ் மற்றும் திமுக, காங்கிரஸ் கட்சி நிா்வாகிகள் மற்றும் தொண்டா்கள் திமுக அலுவலகமான அண்ணா பகுத்தறிவு மன்றத்தில் இருந்து பேரணியாக வந்து கலந்துகொண்டனா்.
நிருபர்: யுவராஜ், மயிலை.
