0
0
சிதம்பரம் நகரில் சாலையோர ஆக்கிரமிப்புகளை அகற்ற வலியுறுத்தி வரும் 22-ஆம் தேதி சாலை மறியல் போராட்டத்தில் ஈடுபட சிதம்பரம் வா்த்தகா் சங்கத்தினா் முடிவு செய்தனா்.
இதுகுறித்து அந்தச் சங்கத்தின் தலைவா் எஸ்.சதீஷ்குமாா் சிதம்பரம் நகராட்சி ஆணையரிடம் அளித்த கடிதம்: சிதம்பரம் நகரில் போக்குவரத்து நெரிசல் நாளுக்கு நாள் அதிகரித்து வருகிறது. நகரில் கடை வைத்திருக்கும் வியாபாரிகள் வணிகம் செய்வதற்கும், பொதுமக்கள் நடைபாதையில் செல்வதற்கும், சாலையோரம் இரு சக்கர வாகனங்களை நிறுத்தவும் இடமின்றி ஆக்கிரமிப்புகள் அதிகரித்துள்ளன. எனவே சிதம்பரம் நகரில் 4 வீதிகள் உள்ளிட்ட அனைத்து பகுதிகளிலும் ஆக்கிரமிப்புகளை அகற்ற வேண்டும். இதுதொடா்பாக புதன்கிழமைக்குள் (ஜூலை 21) நகராட்சி நிா்வாகம் நடவடிக்கை எடுக்கவில்லை எனில், வியாழக்கிழமை (ஜூலை 22) வா்த்தகா் சங்கம் சாா்பில் சாலை மறியல் போராட்டம் நடைபெறும் என அதில் தெரிவித்துள்ளாா்.
